Хабар берилганидек, "Андижон" жамоаси ОЧЛ 2 доирасида Баҳрайннинг "Ал-Халдия" жамоасига қарши ўйин учун бугун кечаси Тошкент халқаро аэропортидан Тошкент-Шаржа-Манама йўналишида ҳаво кемаси орқали йўлга чиқди ва манзилга соғ-саломат етиб келди.
Жамоамиз аъзолари Баҳрайн аэропортида "Ал-Халдия" клуби расмийлари томонидан илиқ кутиб олинди. Шунингдек, бир гуруҳ мухлислар ҳам футболчиларни қўллаб-қувватлаш учун бирга Манамага етиб келишган.
"Андижон" жамоаси Манама шаҳрида ўзи учун ажратилган "Crowne Plaza" меҳмонхонасига жойлашди. Айни пайтда бу ерда ҳаво ҳарорати 27 даража илиқ.
Бугун Максим Шацких шогирдлари кечки маҳал илк машғулотини ўтказади.
