"Бавария" ҳужумкор ярим ҳимоячиси Жамал Мусиала ёзда олган оғир жароҳатидан тикланишда давом этмоқда.
Дастлаб 22 ёшли футболчи йил охирида майдонга қайтиши мумкинлиги тахмин қилинганди, аммо Мюнхен клуби ортиқча таваккалчиликка йўл қўймаслик учун ёш юлдузни шошилтирмоқчи эмас. Журналистлар Тоби Альтшеффл ва Кристиан Фальк хабарига кўра, "Бавария" Мусиала қайтадиган аниқ санани белгиламаган. Бу билан январгача кутишга тўғри келиши эҳтимолдан холи эмас. Тиббиёт ва мураббийлар штаби учун энг муҳими - футболчи мавсумнинг ҳал қилувчи босқичига оптимал формада келиши, кейин эса жаҳон чемпионатида иштирок этиши учун ҳамма нарсани қилиш.
Эслатиб ўтамиз, Жамол Мусиала дарвозабон Жанлуижи Доннарумма билан тўқнашувдан сўнг кичик болдир суягидан жароҳат олган эди.
