Матбуотда вақти-вақти билан "Барселона"нинг юлдуз форварди Роберт Левандовскининг келажаги ҳақида миш-мишлар пайдо бўлади. Аввалроқ, матбуот польякни "Милан" билан боғлаган эди. Transfer News Live нашрининг Sportitalia’га таяниб хабар беришича, Левандовскининг январда "россонерилар" сафига ўтиши даргумон. Гап шундаки, каталонияликлар мавсум ўртасида Робертга ўринбосар топиши қийин бўлади.

Роберт Левандовскининг "Барселона" билан амалдаги шартномаси 2025/2026 йилги мавсум охиригача мўлжалланган. Аввалроқ, матбуотда 37 ёшли форварднинг устувор вазифаси "кўк-анорранглилар" унга янги шартнома таклиф қилса, фаолиятини шу ерда давом эттириш экани ҳақида хабарлар тарқалган эди.