"Манчестер Юнайтед" марказий ҳимоячиси Маттейс де Лигт жамоанинг айни дамдаги савияси қанчалик юқори экани ҳақида жавоб берди.
Ҳозирда Рубен Аморим жамоаси Премьер-лига турнир жадвалида еттинчи ўринни эгаллаб турибди - тўртликдан атиги бир очко ортда қолмоқда.
"Биз тўғри йўналишда кетяпмиз. Албатта, биз эришмоқчи бўлган даражадан ҳали анча узоқмиз, аммо тараққиёт давом этмоқда. Ҳозир жамоа кўтарилмоқда, сўнгги беш ўйинда мағлубиятга учрамадик. Умид қиламанки, тенденция халқаро танаффусдан кейин ҳам давом этади," - деди нидерландиялик футболчи.
Кейинги турда, 24 ноябрь куни манкунианликлар ўз уйида "Эвертон"ни қабул қилади.
