"Манчестер Сити"дан учралган шармандали мағлубиятга (3:0) қарамай, "Ливерпуль" бош мураббий Арне Слотни истеъфога чиқаришни режалаштирмаяпти.
"Қизиллар" Англия Премьер-лигаси (АПЛ) доирасидаги сўнгги 10 ўйинда 7 марта мағлубиятга учради.
Инсайдер Фабрицио Романонинг таъкидлашича, "Ливерпуль" раҳбарияти Слотни қўллаб-қувватлашда давом этмоқда ва унинг жамоа мураббийи сифатидаги имкониятларига ишонмоқда.
Шунингдек, Романонинг қўшимча қилишича, "Ливерпуль" бошқа мураббийлар билан музокара ўтказмаяпти.
Ўн бир турдан сўнг жамоа Англия чемпионати турнир жадвалида саккизинчи ўринни эгаллаб турибди.
