"Барселона" ҳимоячиси Эрик Гарсия ҳеч қаерга кетмоқчи эмас. Маълум бўлишича, тез орада "кўк-анорранглилар" 24 ёшли футболчи билан шартнома узайтирилганини эълон қилади, бу ҳақда турли манбалар бир неча бор хабар тарқатган.

Журналист Экрем Конурнинг маълум қилишича, испаниялик "Барса"да қолишга қатъий қарор қилгани учун Франциянинг "ПСЖ" клуби ва номи ошкор этилмаган А Серия вакилларига рад жавобини берган.

Эрик Гарсиянинг Каталония гранди билан янги меҳнат шартномаси 2029 йилнинг ярмигача мўлжалланган бўлиши кутилмоқда. Музокаралар якуний босқичда давом этмоқда. Амалдаги шартнома 2026 йилнинг ёзида ўз ниҳоясига етади.