"Barselona" himoyachisi Erik Garsiya hech qayerga ketmoqchi emas. Ma’lum bo‘lishicha, tez orada "ko‘k-anorranglilar" 24 yoshli futbolchi bilan shartnoma uzaytirilganini e’lon qiladi, bu haqda turli manbalar bir necha bor xabar tarqatgan.

Jurnalist Ekrem Konurning ma’lum qilishicha, ispaniyalik "Barsa"da qolishga qat’iy qaror qilgani uchun Fransiyaning "PSJ" klubi va nomi oshkor etilmagan A Seriya vakillariga rad javobini bergan.

Erik Garsiyaning Kataloniya grandi bilan yangi mehnat shartnomasi 2029 yilning yarmigacha mo‘ljallangan bo‘lishi kutilmoqda. Muzokaralar yakuniy bosqichda davom etmoqda. Amaldagi shartnoma 2026 yilning yozida o‘z nihoyasiga yetadi.