«Бешиктош» «Барселона» ҳамда жамоа дарвозабони ва сардори Марк-Андре тер Штегеннинг атрофидаги агентлар билан боғланиб, уни турк клубига ўтишга кўндиришга уринган. Бу ҳақда Sport.es хабар берди.

Манбанинг маълумотида айтилишича, «Бешиктош» немис дарвозабонини яқинлашиб келаётган қишда шу мавсум охиригача ижарага олишни истамоқда. Туркия клуби тер Штеген маошининг бир қисмини ўз зиммасига олишга тайёр.

Ҳозирча 33 ёшли футболчи «Барселона»даги келажаги борасида қарор қабул қилмаган. Тер Штеген айни вақтда жароҳатдан тикланишни давом эттирмоқда. Унинг клуб билан амалдаги шартномаси 2028 йил ёзигача мўлжалланган.