Москвада давом этаётган фигурали учиш бўйича Россия Гран-присининг тўртинчи босқичида қисқа дастурдан сўнг Аделия Петросян пешқадамлик қилмоқда.
Этери Тутберидзенинг 18 ёшли шогирди ўз чиқиши учун 78,83 балл тўплади.
Алина Горбачева (68,86) иккинчи, Ксения Гушчина (68,07) эса учинчи ўринни эгаллади.
Яккалик конкида учувчиларнинг эркин дастури 16 ноябрь куни намойиш этилади.
Петросян икки карра Россия чемпиони ва уч марта Россия кубоги финалида ғолиб чиққан. Ушбу мавсум бошида у Магнитогорскда бўлиб ўтган Гран-прининг биринчи босқичида ғолиб чиққан эди.
