Диде Дешам 2026-йилги Жаҳон чемпионатидан кейин Франция терма жамоаси мураббийлигидан кетишини анчадан бери эълон қилган эди.
Зинедин Зидан жамоанинг кейинги бош мураббийи бўлиши ҳақида миш-мишлар юрибди. Машҳур француз футболчиси Карим Бензема бу ҳақда фикр билдирди.
"Улар Зидан Франция терма жамоасининг кейинги мураббийи бўлиши ҳақида гапиришмоқда. Менимча, Зиданда ҳамма нарса бор. У буни "Реал Мадрид"да аллақачон исботлаган.
Терма жамоада ҳозир мураббий бор, лекин мен учун Зидан биринчи рақамли", - дея Бенземанинг сўзларини келтиради AS.
Карим Бензема шунингдек, Франция терма жамоасига қайтиши мумкинлигини тан олди. 37 ёшли ҳужумчи уч ярим йилдан бери терма жамоада ўйнамаяпти.













