"Реал"нинг бир қатор юлдуз футболчилари жамоа устози Хаби Алонсодан норози, бу ҳақда Cadena Ser журналистларига маълум бўлди.

Манбанинг маълум қилишича, испаниялик мутахассис билан ҳужумчи Винисиус Жуниор, ярим ҳимоячи Жуд Беллингем ва ҳимоячи Федерико Вальверде тил топиша олмаяпти.

Аввалроқ матбуотда бразилиялик ҳужумчи жамоани Алонсо бошқараётган вақтда "қаймоқранглилар" билан янги шартнома имзоламаслиги ҳақида хабарлар тарқалган эди.

44 ёшли мутахассис ўтган ёзда "Реал"ни қабул қилиб олган эди. Алонсо ва "қироллик клуби" ўртасидаги шартнома 2028 йилнинг июнь ойи охиригача мўлжалланган.