"Катта дубулға" туркумига кирувчи турнирларнинг олти карра ғолиби, жаҳоннинг биринчи рақамли ракетка устаси, испаниялик теннисчи Карлос Алькарас "Интер Майами"нинг сўнгги ўйинига ташриф буюрди ва аргентиналик машҳур футболчи Лионель Месси билан учрашди.
Шу куни Форт-Лодердейл шаҳридаги "Чейз Стэдиум" стадионида Месси тўп тепаётган "Интер Майами" МЛС плей-оффининг Ярим финалида "Нью-Йорк Сити" жамоасини 5:1 ҳисобида мағлубиятга учратди. Лионель эса мазкур учрашувда голли узатмалар бўйича афсонавий Ференц Пушкашнинг рекордини янгилади.
2025 йилда Алькарас иккита "Катта дубулға" турнирида – Ролан Гаррос ҳамда US Open'да ғолиб чиқди, учта Мастерс мусобақаси чемпиони бўлди ва учта беш юзталик турнирда унвонни қўлга киритди.
