Самвел Бабаян қўл остида катта трансферларни тайёрлаётган "Андижон" яна бир маҳоратли футболчи билан келишувга эришди.
Маълумотларга кўра, ҳозирда эркин агент бўлиб турган қанот ҳужумчиси Жасур Яхшибоев келаси мавсумни "бургутлар" сафида ўтказади. Бу ҳақида яқин кунларда расмий эълон берилади.
Яхшибоев йил бошида Эроннинг "Нассажий" клубини тарк этганидан буён эркин агент бўлиб турибди. У фаолияти давомида "Пахтакор", ОКМК, "Энергетик БГУ", "Шахтёр" Солигорск, "Легия", "Шерифф", "Навбаҳор" ва "Ордабаси" каби жамоалар шарафини ҳам ҳимоя қилган.













