"Барселона" спорт директори лавозимида ишлаб келаётган Деку Мадриднинг "Атлетико" клуби ҳужумчиси Хулиан Альварес ҳақида фикр билдирди.
Аргентиналик футболчи каталониялик гранднинг 2026 йил ёзидаги асосий трансфер мақсадларидан бири ҳисобланади.
"Мен бошқа футболчилар каби Хулиан Альварес ҳақида гапирмайман. У бошқа жамоада ўйнайди. Бегона футболчилар ҳақида гапирганимизда, уларнинг клублари биздан ғазабланади", - дея Декунинг сўзларини келтиради Barca Universal.
"Барселона" учун ҳужумчининг катта нархи муаммо бўлиши мумкин. Transfermarkt портали "матрасчилар" юлдузининг нархини 100 миллион еврога баҳоламоқда, аммо мадридликлар 2030 йилгача амал қиладиган шартномани ҳисобга олган ҳолда ундан ҳам кўпроқ сўраши мумкин.
