«Флуминенсе» жамоаси ҳимоячиси, 41 ёшли бразилиялик футболчи Тьяго Силва Европага қайтиши мумкин. Бу ҳақда журналист Фабрицио Романо X ижтимоий тармоғида хабар берди.
Маълум қилинишича, футболчи Европа клубларидан бирига эркин агент сифатида ўтиши мумкин. Тьяго Силва оиласига яқинроқ бўлишни хоҳламоқда ва бу борада Европа аниқ устувор йўналиш ҳисобланади.
Силва 2024 йилдан буён «Флуминенсе» сафида тўп суриб келмоқда. Унинг клуб билан тузган шартномаси 2026 йилга қадар амал қилади. Илгари у «Челси», «ПСЖ», «Милан», «Порту» ва бошқа қатор жамоаларда ҳам фаолият юритган.
Жорий мавсумда Тьяго Силва барча мусобақаларда жами 46 та ўйинда иштирок этди. Ушбу учрашувларда у 4 та гол уриб, 1 та голли узатма муаллифи бўлди.













