"Бавария" ҳужумчиси Серж Гнабри шартномасини узайтиришга тайёр. Унинг амалдаги шартномаси келаси йилнинг ўрталарида тугайди, аммо тез орада узайтирилиши кутилмоқда.
"Bayern & Germany" нашрининг хабар беришича, томонлар келажакдаги ҳамкорлик шартлари бўйича принципиал келишувга эришишган. 30 ёшли футболчининг янги шартномаси 2028 йилгача амал қилади. Барча ўйин билан боғлиқ бонуслар фаоллаштирилгандан сўнг, ҳужумчи йилига тахминан 15-16 миллион евро маош олади.
Серж Гнабри ушбу мавсумда Венсан Компани жамоаси сафида 20 та ўйинда бешта гол урди ва еттита голли узатмани амалга оширди.
