"Bavariya" hujumchisi Serj Gnabri shartnomasini uzaytirishga tayyor. Uning amaldagi shartnomasi kelasi yilning o‘rtalarida tugaydi, ammo tez orada uzaytirilishi kutilmoqda.
"Bayern & Germany" nashrining xabar berishicha, tomonlar kelajakdagi hamkorlik shartlari bo‘yicha prinsipial kelishuvga erishishgan. 30 yoshli futbolchining yangi shartnomasi 2028 yilgacha amal qiladi. Barcha o‘yin bilan bog‘liq bonuslar faollashtirilgandan so‘ng, hujumchi yiliga taxminan 15-16 million yevro maosh oladi.
Serj Gnabri ushbu mavsumda Vensan Kompani jamoasi safida 20 ta o‘yinda beshta gol urdi va yettita golli uzatmani amalga oshirdi.
