"Манчестер Сити" ҳужумчиси Омар Мармуш "Рома" қизиқиш доирасига кириб қолди. Бу ҳақда TEAMtalk хабар берди.
Манбага кўра, римликлар Мармушни қишки трансферлар даврида ўз сафига қўшиб олиши мумкин. Аммо футболчи учун "Тоттенхэм" билан курашишга тўғри келади. Аввалроқ, "шпорлар" январь ойида мисрлик футболчини ижарага олмоқчи экани хабар қилинганди.
Жорий мавсумда 26 ёшли Мармуш барча мусобақаларни инобатга олган ҳолда 15 та учрашувда майдонга тушиб, 1 та гол ва 1 та ассистни ўз ҳисобига ёздириб қўйди.
Мармушнинг "Манчестер Сити" билан шартномаси 2029 йилгача мўлжалланган. Transfermarkt портали маълумотларига кўра, футболчининг нархи 65 миллион еврони ташкил этади.
