"Барселона" хочсимон боғламидан жароҳат олган Андреас Кристенсен ўрнига янги ҳимоячи қидирмоқда. TEAMtalk нашри тарқатган хабарга кўра, клуб скаутлари мудофаани мустаҳкамлай оладиган еттита устувор трансфер мақсади рўйхатини тузишган.
Аввалроқ, каталонияликлар "Борнмут" ҳимоячиси Маркос Сенеси номзодини кўриб чиқаётгани маълум бўлганди. Бундан ташқари, "кўк-анорранглилар" "Вильярреал"дан Хуан Фойт, "Бетис"дан Диего Льоренте, "Интер"дан Стефан де Врей, "Унион"дан Диогу Лейте, "Райо Вальекано"дан Луис Фелипе ва "Бенфика"дан Николас Отаменди билан эҳтимолий музокараларни муҳокама қилмоқда.
"Барселона" Испания чемпионатида 18-турдан кейин 46 очко билан пешқадамлик қилмоқда. Иккинчи ўринда бораётган Мадриднинг "Реал" клуби 4 очкога ортда қолмоқда.
