Мадриднинг "Реал" клубида ҳимоячилар Антонио Рюдигер ва Даниэль Карвахаль борасида ҳали якуний қарор қабул қилинмади.
Ҳар иккала футболчининг шартномаси ярим йилдан сўнг якунига етади ва ҳозирда шартномани узайтириш бўйича музокаралар олиб борилмаяпти. Журналист Марио Кортехананинг маълум қилишича, Рюдигер ва Карвахаль билан ҳамкорликни давом эттириш бўйича қарор кейинроқ қабул қилинади. Кўп нарса ўйинчиларнинг савияси ва саломатлигига боғлиқ бўлади.
Антонио Рюдигер март ойида 33 ёшга тўлади, Даниэль Карвахал эса январда 34 ёшни қаршилайди.
"Қаймоқранглилар"нинг навбатдаги учрашуви 4 январга белгиланган - рақиб "Бетис."
