"Ан-Наср" ҳужумчиси Криштиану Роналду жорий йилда 40 та голлик натижани ортда қолдирди.
40 ёшли футболчи шанба куни Саудия Арабистони чемпионатида "Ал-Оҳдуд"га қарши кечган ва Жорже Жезуш жамоасининг 3:0 ҳисобидаги ғалабаси билан якунланган ўйинда дубль қайд этди. Роналду ҳисобида 2025 йил бошидан буён барча турнирларда киритилган 40 та гол бор. Юлдуз ҳужумчи Европани тарк этгач, кетма-кет учинчи марта бу кўрсаткичга эриша олди.
"Ан-Наср" ўн турдан кейин 30 очко билан турнир жадвалида пешқадамлик қилмоқда - ҳали ҳам бирорта ҳам мағлубият йўқ. Жамоа 30 декабрь куни жорий йилдаги сўнгги ўйинини ўтказади - рақиб "Ал-Иттифоқ" бўлади.
