"Барселона" ярим ҳимоячиси Гави яқин келажакда нималарга эришмоқчилиги ҳақида гапирди.
21 ёшли испаниялик футболчи жароҳати туфайли август ойидан бери майдонга тушмаяпти, аммо февраль ойида сафга қайтиши кутилмоқда.
"Умид қиламанки, бу мавсумда ҳам кўплаб совринларни қўлга киритамиз. Бу ўтган сафаргидек муваффақиятимиз кўрсаткичи бўлади. Олдинда жаҳон чемпионати ҳам бор - мен турнирга боришни ва ўйинларга оптимал формада етиб боришни кутмоқдаман," - дея Гавининг сўзларини келтиради Mundo Deportivo.
Айни пайтда "кўк-анорранглилар" Ла Лига турнир жадвалида "Реал"ни 4 очкога ортда қолдириб, пешқадамлик қилмоқда. 3 январь куни Ҳанс-Дитер Флик жамоаси "Эспанол"га қарши баҳс олиб боради.
