Transfermarkt портали 2025 йилда энг кўп арзонлашган футболчиларни эълон қилди.

Энг кўп қийматини йўқотган футболчи "Манчестер Сити" ярим ҳимоячиси Фил Фоден бўлди. Унинг бозор қиймати йил бошида 140 миллион еврони ташкил этган бўлса, декабрь ойига келиб 60 миллион еврога тушиб кетди.

Энг кўп қиймати тушган футболчилар рўйхатида иккинчи ўринни Фоденнинг жамоадоши Родри эгаллади. У 130 миллион евродан 75 миллион еврогача, яъни 55 миллион евро йўқотди. Учинчи ўринда "Реал" ҳужумчиси Винисиус турибди. Унинг трансфер қиймати 200 миллион евродан 150 миллион еврогача, яъни 50 миллион еврога тушди.

Энг кўп қийматини йўқотган топ-6 футболчи орасида "Реал"дан Родриго (-40 миллион евро), "Барселона"дан Гави (-40 миллион евро) ва "Арсенал"дан Мартин Эдегор (-35 миллион евро) ҳам бор.