Машҳур Goal портали Англия Премьер-лигасининг жорий мавсумидаги энг омадсиз трансферлар рўйхатини эълон қилди.
Goal талқинига кўра, энг ёмон трансфер 2025 йилнинг ёзида "Ньюкасл"дан "Ливерпуль"га 145 миллион евро эвазига ўтган Александр Исак бўлди. Кучли учликдан Харви Эллиотт ("Астон Вилла") ва Арно Калимуэндо ("Ноттингем Форест") жой олди.
Шунингдек, рўйхатдан Энтони Эланга ("Ньюкасл"), Беньямин Шешко ("Манчестер Юнайтед"), Виктор Дьёкереш ("Арсенал"), Милош Керкез ("Ливерпуль"), Жейдон Санчо ("Астон Вилла"), Терно Барри ("Эвертон"), Жейми Байно-Гиттенс ("Челси") ва Рандал Коло-Муани ("Тоттенхэм") жой олган.
Жорий мавсумда 26 ёшли Исак "Ливерпуль" сафида барча мусобақаларни инобатга олган ҳолда 16 та учрашувда майдонга тушиб, 3 та гол урди ва 1 та голли узатмани ўз ҳисобига ёздириб қўйди.
