Англия Премьер-лигасининг 20-туридан ўрин олган учрашувда «Астон Вилла» ва «Ноттингем Форест» жамоалари ўзаро майдонга тушишди. Баҳс Бирмингемдаги «Вилла Парк» стадионида бўлиб ўтди. Учрашув 3:1 ҳисобида «Астон Вилла» ғалабаси билан якунланди.
Учрашувда ҳисобни мезбонлар ҳужумчиси Олли Уоткинс биринчи тайм сўнгги дақиқасида очди. Иккинчи таймда 49-дақиқада «Астон Вилла» ярим ҳимоячиси Жон Макгинн ҳисобдаги фарқни оширди. 61-дақиқада Морган Гиббс-Уайт меҳмонлар учун бир гол урди. 73-дақиқада Жон Макгинн дублга эришди.
Англия чемпионатида 20 та ўйиндан сўнг «Ноттингем Форест» 18 очко тўплаб, турнир жадвалида 17-ўринда турибди. «Астон Вилла» эса 42 очко билан иккинчи поғонага кўтарилди.
Англия — Премьер-лига. 20-тур
3 январь, шанба.
Астон Вилла – Ноттингем Форест - 3:1
Голлар: 1:0 – Олли Уоткинс (45+1'), 2:0 – Жон Макгинн (49'), 2:1 – Морган Гиббс-Уайт (61'), 3:1 – Жон Макгинн (73')













