«Барселона» Туриннинг «Ювентус» клуби ҳужумчиси Душан Влаховични имзолаш учун курашда етакчи бўлиб турибди. Бу ҳақда La Gazzetta dello Sport хабар берди.
Нашр маълумотларига кўра, "Барса" сербиялик форвард учун энг мақбул вариант ҳисобланади. Влаховичнинг амалдаги шартномаси 2026 йил ёзида тугайди. Испаниянинг гранд клуби футболчига ҳозирги маошига яқин йиллик 12 млн евро таклиф қилишга тайёр. Влахович атрофидаги вазиятни, шунингдек, «Бавария» ва «Милан» клублари ҳам кузатиб боришмоқда.
Жорий мавсумда Влахович барча турнирларда клуб сафида 17 та ўйинда 6 та гол урди ва 2 та самарали узатмани амалга оширди.













