Flashscore.com сайти Англия Премьер-лигасининг 20-тури доирасида бўлиб ўтган «Челси»га қарши ўйинда (1:1) «Манчестер Сити»нинг ўзбекистонлик ҳимоячиси Абдуқодир Ҳусановнинг ўйинига баҳо берди.
Ҳусанов учрашувнинг 51-дақиқасида жароҳат олган Йошко Гвардиол ўрнига майдонга тушди. Ҳусанов кечаги баҳсдаги иштироки учун 6,7 баллга лойиқ кўрилди — бу учрашувда қатнашган «Манчестер Сити» футболчилари орасида тўртинчи энг паст баҳолардан бири бўлди.
Жорий мавсумда Абдуқодир Ҳусанов «Манчестер Сити» сафида барча мусобақаларда жами 10 та ўйин ўтказди. «Сити» АПЛдаги кейинги учрашувини 7 январдан 8 январга ўтар кечаси «Брайтон»га қарши ўтказади.













