Англия Премьер-лигасининг 21-туридан ўрин олган марказий баҳсда Лондоннинг "Арсенал" клуби ўз майдонида "Ливерпуль"га қарши баҳс олиб боради. Ушбу баҳс ҳақида "қизиллар" бош мураббийи Арне Слот ўз фикрларини билдириб ўтди.
"Бўлажак ўйин катта аҳамиятга эга. АПЛда ўз мақсадларимиз бор. Бундай рақиблар билан ўйинларда нимага муносиб эканлигимизни тушуниш мумкин. Бу мавсумда "Арсенал" янада кучайди. Ҳозирда уларда ҳақли равишда биринчи ўринда бўлиш учун ҳамма нарса бор," - дея нидерландиялик мураббийнинг сўзларини келтиради Liverpool Echo.
"Арсенал" ва "Ливерпуль" ўртасидаги баҳс 8 январь, пайшанба куни Лондондаги "Эмирейтс" стадионида бўлиб ўтади. Старт ҳуштаги Тошкент вақти билан 01:00 да янграйди.
