«Милан» жамоасининг бош мураббийи Массимилиано Аллегри 2026 йилги қишки Олимпия ўйинлари машъали эстафетаси иштирокчилари рўйхатига киритилди. Бу ҳақда "россонери" матбуот хизмати ижтимоий тармоқларда хабар берди.

«Массимилиано Аллегрига 2026 йилги Милан ва Кортина-д’Ампеццода бўлиб ўтадиган Олимпия ўйинлари олдидан олимпия машъалини кўтариб юриш шарафи насиб этди. Табриклаймиз, Мистер!» — дейилади «россонери» саҳифасида.

Аллегри мураббийлик фаолияти давомида аввал ҳам «Милан» жамоасида 2010–2014 йиллар оралиғида ишлаган. Мутахассиснинг фаолиятида, шунингдек, «Ювентус», «Кальяри», «Сассуоло» ва қатор бошқа жамоалар ҳам бор. Мураббий ҳисобида А Сериясида олти марта чемпионлик, Италия Суперкубогини уч бор ва мамлакат Кубогини беш марта қўлга киритган.

2026 йилги қишки Олимпия ўйинлари 6–22 февраль кунлари бўлиб ўтади.