АҚШ, Мексика ва Канадада бўлиб ўтадиган 2026-йилги футбол бўйича Жаҳон чемпионати учун олдиндан чипта харид қилган қарийб 17 минг нафар мухлис уларни қайтариб беришга қарор қилди. Бу ҳақда Give Me Sport нашри хабар берди.
Манбага кўра, мазкур ҳолат АҚШнинг Венесуэлага нисбатан олиб бораётган сиёсатига қарши норозилик белгиси сифатида изоҳланмоқда. Нашрнинг маълум қилишича, турнирни бойкот қилиш бўйича чақириқлар ҳамда олдиндан сотиб олинган чипталарнинг оммавий қайтарилиши ФИФАни келаси ҳафтада фавқулодда йиғилиш ўтказади. Унда хавфсизлик масалалари, сиёсий хавотирлар ҳамда мухлислар бойкоти билан боғлиқ муаммолар муҳокама қилиниши режалаштирилган.
Мазкур вазият фонида ФИФА Жаҳон чемпионати учрашувлари учун чипталар нархи иккиламчи бозорда сезиларли даражада пасая бошлагани қайд этилмоқда. Аввалроқ 2026-йилги Жаҳон чемпионати учун чипталарга бўлган талаб жуда юқори эканлиги ҳақида хабар берилган эди. ФИФА хабарига кўра, турнир учун 500 миллиондан ортиқ чипта сўрови келиб тушган.
Маълумот ўрнида, Фабио Каннаваро бошчилигидаги Ўзбекистон терма жамоаси ҳам ўз тарихида илк марта мундиалда иштирок этади. Жамоа Португалия, Колумбия ҳамда плей-офф орқали йўлланмани қўлга киритадиган жамоа (Ямайка, Конго ва Янги Каледония) билан “К” гуруҳидан жой олди.
