"Ноттингем" яримҳимоячиси Эллиот Андерсон топ-клубга ўтиши мумкин.
CaughtOffside хабарига кўра, 23 ёшли футболчини "Манчестер Сити" ўз сафига қўшиб олмоқчи. "Шаҳарликлар" вакиллари аллақачон футболчининг агенти билан боғланган. Шунингдек, хавбекни "Манчестер Юнайтед," "Челси" ва "Бавария" ҳам кузатиб бормоқда.
Эллиот Андерсон "Ноттингем"га 2024 йилда "Ньюкасл"дан 41 миллион евро эвазига ўтганди. Унинг шартномаси 2029 йилнинг 30 июнига қадар имзоланган.
Жорий мавсумда ярим ҳимоячи клуб сафида барча мусобақаларда 27 та ўйинда майдонга тушиб, 1 та гол урди ва 2 та голли узатмани амалга оширди. Transfermark портали Андерсонни 60 миллион еврога баҳоламоқда.













