Сергей Чигодаев бошчилигидаги Ўзбекистон U-17 терма жамоаси навбатдаги ўртоқлик учрашувида ғалабага эришди. Ёшларимиз Хитой терма жамоасига қарши баҳс олиб бориб, 2:1 ҳисобида устун келди.

Учрашувда ҳисобни мезбонлар 13-дақиқада очишди. Шундан сўнг Ўзбекистон U-17 жамоаси ташаббусни қўлга олди ва 27-дақиқада Лазиз Абдураимов мувозанатни тиклади. Ўйин охирида эса 85-дақиқада Зиёдулла Саломов киритган гол жамоамизга ғалаба келтирди.

Ўртоқлик учрашуви
Хитой — Ўзбекистон — 1:2
Голлар: Хитой (13) — Лазиз Абдураимов (27), Зиёдулла Саломов (85)
Ўзбекистон U-17 таркиби:
Бошланғич таркиб: Шомуродов, Ҳакимов (с), Анваров, Раҳимов, Абдунабиев, Равшанов, Маматов, Муродов, Орифхонов, Равшанбеков, Абдураимов.
Захирада: Бердиев, Ибрагимов, Олимов, Ўктамбоев, Эркинжонов, Маруфов, Эркинов, Мирзабеков, Холиқов, Садиржонов, Саломов, Сирожиддинов.