«Арсенал» бош мураббийи Микель Артета АПЛ чемпионлиги учун асосий рақиб ҳисобланган «Манчестер Сити»нинг қишки трансферларига муносабат билдирди. Манчестер клуби «Борнмут»дан Антуан Семеньо ва «Кристал Пэлас»дан Марк Гехини таркибига қўшиб олди.

«Бу уларнинг иши. Мен улар нима қилишини ва сўнгги 10–15 йил ичида нима қилганини яхши биламан. Шунинг учун, албатта, ҳайрон эмасман. Улар ғалаба қозонишни истайди ва бунга эришиш учун барча имкониятларни ишга солади», — дея Артетанинг сўзларини «Арсенал» матбуот хизмати келтирди.

Эслатиб ўтамиз, АПЛнинг 23 тури якунларига кўра, «Арсенал» «Манчестер Сити»ни тўрт очкога ортда қолдириб турибди.