"Барселона" ҳимоячиси Эрик Гарсия жамоанинг Ла Лига доирасидаги "Эльче"га (3:1) қарши ўйиндаги ҳаракатлари ҳақида фикр билдирди.
Каталония гранди ишончли ғалабага эришди, аммо жуда кўп голли имкониятларни қўлдан чиқарди: статистика мутахассислари Ханс-Дитер Флик жамоасида ўнта аниқ голли имконият ва олтитадан ортиқ кутилган гол (xG) борлигини айтишди.
"Ҳаммаси яхши бўлди, лекин бугун жуда кўп вазиятларни қўлдан чиқардик... Вазият бошқача бўлганда нима бўлишини тасаввур қилинг. Мисол учун, Чемпионлар лигаси плей-офф ўйинида бунга йўл қўйиб бўлмайди," - дея Эрик Гарсиянинг сўзларини келтиради The Touchline.













