Аёл теннисчилар ассоциацияси (WТА) ҳафталик янги рейтингни эълон қилди. Топ-10 таликда тўртта ўзгариш қайд этилди.
Хусусан, 2026-йилги Австралия очиқ чемпионати ғолиби Елена Рибакина бешинчи поғонадан учинчи ўринга кўтарилиб, икки ярим йилдан сўнг яна кучли учликка қайтди. У ўз ҳисобига 2000 очко қўшиб, америкалик Коко Гауфф билан ўрин алмашди.
Бундан ташқари, рейтинг пешқадами бўлиб турган беларуслик Арина Сабаленка 2026-йилги Австралия очиқ чемпионатида чемпионликни ҳимоя қила олмади ва 1300 очко йўқотди.
Ўзбекистоннинг биринчи рақамли теннисчиси Камилла Раҳимова аввалги ҳафтадаги каби 93-ўринда қолди. Унинг ҳисобида 802 очко мавжуд.
Шунингдек, Австралия очиқ чемпионатида 1 ғалаба ва 1 мағлубият қайд этган Полина Кудерметова 11 поғонага кўтарилиб, 139-ўринни эгаллади. Унинг очколари сони 533 тани ташкил этади.
Ўзбекистонлик теннисчиларнинг WТА рейтингидаги ўрни:
93. (93) Камилла Раҳимова — 802 очко
139. (150) Полина Кудерметова — 533 очко
966. (987) Максим Шин — 19 очко
