"Ливерпуль" ҳимоячиси Эндрю Робертсоннинг "Тоттенхэм"га ўтиши амалга ошмаслиги мумкин.

Football Insider нашрининг маълумотларига кўра, шотландиялик футболчи шу ёзда "қизиллар" билан шартномаси якунлангач, Лондон клубига ўтмаслиги мумкин. Январь ойида "шпорлар" томонидан кучли қизиқиш бўлганига қарамай, ҳимоячи якуний қарор қабул қилишдан олдин фаолиятини давом эттиришнинг барча вариантларини, жумладан, чет элга кўчиб ўтиш ёки фаолиятини бошлаган "Селтик" клубига қайтиш имкониятларини кўриб чиқмоқчи.

Эндрю Робертсон 2017 йилда "Халл Сити"дан "Ливерпуль"га тўққиз миллион евро эвазига ўтган эди. Жорий мавсумда ҳимоячи "қизиллар" сафида барча турнирларда 23 та ўйинда майдонга тушиб, битта гол урди ва битта голли узатмани амалга оширди.