Хорватиялик афсонавий ярим ҳимоячи Лука Модрич фаолиятини давом эттириш борасидаги якуний қарорини мавсум сўнггида қабул қилади. Ҳозирда унинг бор эътибори "Милан" билан А Серия чемпионлигини қўлга киритишга қаратилган.
"Модричнинг шартномаси июнь ойида тугайди. Уни узайтириш варианти мавжуд. Аммо ҳозирча у бор эътиборини бугунги кунга қаратган. У "Милан" билан бирор соврин ютишни ва шундан сўнг яқин келажаги ҳақида хотиржам ўйлаб кўришни истайди", — дея Мореттонинг сўзларидан иқтибос келтирмоқда pianetamilan.it.
Эслатиб ўтамиз, ҳозирда "Милан" Италия чемпионати турнир жадвалида иккинчи ўринни эгаллаб турибди ва пешқадам "Интер"дан беш очко ортда қолмоқда. Бошқа турнирларда клуб ўз иштирокини якунлаган.
