«Ливерпуль» раҳбарияти венгриялик ярим ҳимоячи Доминик Собослаи билан ҳамкорликни давом эттиришдан манфаатдор, деб хабар бермоқда «Teamtalk».

Журналистларга маълум бўлишича, мерсисайдликлар топ-клуби футболчининг молиявий шартларини қабул қилишга тайёр. 25 ёшли хавбек янги келишувга кўра ҳафтасига 290 минг евро маош олмоқчи. Томонлар ўртасидаги амалдаги шартнома муддати 2028 йилнинг ўрталарида якунига этади. Доминикнинг бозор қиймати 85 миллион еврога баҳоланмоқда.

Жорий мавсумда Собослаи «қизиллар» сафида 33 та баҳсда майдонга тушиб, саккизта гол ва еттита голли узатмани ўз ҳисобига ёздириб қўйди.