"Сантос" ҳужумчиси Неймар мениск жароҳатидан сўнг жамоа таркибига қайтишга яқин турибди. "Ge.Globo" нашрининг берган маълумотларига кўра, юлдузли футболчини шу дам олиш кунлари бўлиб ўтадиган "Вело Клуб"га қарши учрашув қайдномасига киритиш режалаштирилган.
Қайд этиш жоизки, Неймар сўнгги бор майдонда бундан икки ой аввал, "Крузейро"га қарши баҳсда кўриниш берган эди.
Ҳозирги вақтда бразилиялик юлдуз ҳужумчининг бозор қиймати 10 миллион еврони ташкил этади. Неймарнинг амалдаги клуби билан тузилган меҳнат шартномаси 2026 йилнинг декабрь ойи охирида якунига етади.
Европада ҳужумчи "Барселона" ва "ПСЖ" клубларидаги ўйинлари орқали танилган.
