Ҳимоячи Дани Карвахаль "Реал"даги ҳозирги вазиятидан норози. "The Touchline" нашри берган маълумотга кўра, 34 ёшли Карвахаль жамоанинг амалдаги бош мураббийи Альваро Арбелоа уни "жиддий қабул қилмаяпти" деб ҳисоблайди.
Карвахаль ўз навбатида ҳали ҳам топ-даражага мос эканлигига ишончи комил. Футболчининг норозилигига асосий сабаблардан бири — бўлажак Жаҳон чемпионатига энг яхши спорт формасида етиб бориш истагидир. Яқинлашиб келаётган мундиал сабабли Дани "Реал"да кам ўйин амалиётига эга бўлаётганидан ташвишда.
"Реал" Ла Лигадаги навбатдаги учрашувини 14 февраль куни ўз майдонида "Реал Сосьедад"га қарши ўтказади.
