Ҳимоячи Гарри Магуайр, катта эҳтимол билан, фаолиятини «Манчестер Юнайтед»да давом эттиради.
«Daily Mail» журналисти Крис Уилернинг маълумотларига кўра, "қизил иблислар" футболчи билан янги шартнома имзолаши эҳтимоли жуда юқори. Клуб раҳбарияти ҳимоячининг Майкл Кэррик қўл остида ўзини кўрсата олаётганидан мамнун. «Манчестер Юнайтед» хўжайинлари Магуайр билан ҳам иш ҳақи, ҳам шартнома муддати бўйича келишувга эришишга умид қилмоқдалар.
Магуайрнинг «Манчестер Юнайтед» билан ҳозирги шартномаси 2026 йилнинг 30 июнига қадар мўлжалланган. Унинг ҳафтасига оладиган иш ҳақи 180 минг фунт стерлингни ташкил этади.
