Дортмунднинг "Боруссия" клуби ҳимоячиси Юлиан Рюэрсон Германия чемпионатининг "Майнц"га қарши ўйинида (4:0) 4 та голли узатмани амалга оширди.
Норвегиялик футболчи 2004/05 йилги мавсумдан бери статистик маълумотлар йиғила бошланганидан буён Бундеслиганинг битта ўйинида 4 та ассист қайд этган тўртинчи ўйинчига айланди.
Шунингдек, Рюэрсон "сариқ-қоралар" таркибида бундай натижага эришган иккинчи футболчи бўлди. Бир йил аввал "Боруссия" сафида "Унион"га қарши кечган баҳсда Паскаль Гросс 4 та самарали пас узатишга муваффақ бўлган эди.
