Мадриднинг «Реал» клуби футболчиси Винисиус Жуниор 2026 йилги жаҳон чемпионати олдидан қайси терма жамоаларни энг кучли деб ҳисоблашини айтди.
Бўлажак мундиал ўйинлари июнь ва июль ойларида АҚШ, Мексика ҳамда Канадада бўлиб ўтади.
«Кучли терма жамоалар кўп. Менга Португалия, Франция, Испания ва Аргентинанинг ўйини ёқади. Ушбу тўртта жамоа энг кучлиларидир, улар ўтган жаҳон чемпионатидан бери таркибларини деярли ўзгартиришмади», — дея Винисиуснинг сўзларидан иқтибос келтирмоқда Madrid Xtra.
Амалдаги жаҳон чемпиони — Аргентина. Винисиус тўп сурадиган Бразилия терма жамоаси 2002 йилдан бери зафар қучмаган, бироқ жами титуллар сони бўйича рекордни (бешта) сақлаб қолмоқда.
