«Бавария» собиқ футболчиси Лотар Маттеус Харри Кейн клуб билан шартномасини узайтиради деб ҳисоблайди.
Англиялик футболчи ва Мюнхен жамоаси ўртасидаги амалдаги келишув 2027 йилнинг июнигача мўлжалланган. Ушбу мавсумда ҳужумчи 35 та ўйинда 41 та гол урди.
«Унинг «Бавария»ни тарк этишига ишонмайман. Пул у учун асосий устуворлик эмас. Энг муҳими — қулайлик: мураббийлар, жамоадошлар ва оиласи билан бўлган муҳит.
Менда пул у учун аҳамиятга эга эмасдек туйғу бор. Саудия Арабистонида у, эҳтимол, уч-тўрт баравар кўпроқ пул топган бўларди. Кейн «Бавария» билан шартномасини узайтиришига ишончим комил», — деди Лотар Маттеус.
