Дортмунднинг «Боруссия» клуби бош мураббийи Нико Ковач «Аталанта»га қарши бўлиб ўтадиган Чемпионлар лигаси 1/16 финал дастлабки учрашуви олдидан жамоа таркибидаги йўқотишлар ҳақида маълумот берди.
Мутахассиснинг сўзларига кўра, асосий таркибнинг бир йўла тўрт нафар футболчиси майдонга туша олмайди ва уларнинг барчаси ҳимоя чизиғи вакилларидир.
«Ҳозирда бизда бирданига тўрт нафар марказий ҳимоячи жароҳат олган. Биз Нико Шлоттербек билан таваккал қилишни истамаймиз, шу сабаб унинг номзодини ҳатто кўриб чиқмаяпмиз», — дея Ковачнинг сўзларини келтиради УЕФА матбуот хизмати.
Эҳтимолий тактик ўзгаришлар сифатида у Юлиан Рюэрсонни марказий ҳимояга ўтказиш мумкинлигини таъкидлади, чунки ушбу футболчи мазкур позицияда ўйнаш тажрибасига эга.
