«Манчестер Сити» ҳужумчиси Эрлинг Холанд «Фулхэм»га қарши ўйинда ноқулайлик сезиб, майдонни эрта тарк этган эди. Шундан сўнг норвегиялик футболчи «Солфорд Сити» билан бўлган кубок баҳсини ўтказиб юборди. Жума куни бўлиб ўтган матбуот анжуманида журналистлар Хосеп Гвардиоладан Холанднинг «Ньюкасл»га қарши ўйинга тайёрлиги ҳақида сўрашди.
BBC хабарига кўра, Гвардиола бу саволга оғзаки жавоб бермаган, фақат бош ирғаб қўйган. Буни Холанднинг майдонга тушишга тайёрлиги ҳақидаги тасдиқ сифатида қабул қилиш мумкин, бироқ бу ҳозирча расмий кафолат эмас.
«Манчестер Сити» ва «Ньюкасл» ўртасидаги Премьер-лига баҳси 21 февраль куни Тошкент вақти билан соат 23:00 да бошланади.
