Мадриднинг «Реал» клуби ҳимоячиси Дани Карвахаль мавсум якунига қадар жамоада иккинчи даражали ролда бўлишини тушуниб турибди. «Diario Madridista» нашри хабарига кўра, бош мураббий Альваро Арбелоа билан бўлган суҳбат шундай хулосага келишга сабаб бўлган.
Карвахаль кийиниш хонасида етакчи ва ҳурматга сазовор шахс бўлиб қолмоқда, бироқ жароҳатлар ва барқарор ўйин амалиётининг йўқлиги унинг Мадриддаги келажагини сўроқ остида қолдирмоқда. Таъкидланишича, энг яхши ҳолатда унга атиги 1 мавсумлик шартнома таклиф қилиниши мумкин.
Футболчи аллақачон фаолиятини давом эттириш учун турли вариантларни, жумладан, қариндоши Хоселу Мато тўп сураётган Қатар чемпионатига ўтишни кўриб чиқмоқда. Карвахальнинг амалдаги шартномаси 2026 йилнинг июнида ниҳоясига етади. У жорий мавсумда бор-йўғи 12 та ўйинда майдонга тушди.
