Madridning «Real» klubi himoyachisi Dani Karvaxal mavsum yakuniga qadar jamoada ikkinchi darajali rolda bo‘lishini tushunib turibdi. «Diario Madridista» nashri xabariga ko‘ra, bosh murabbiy Alvaro Arbeloa bilan bo‘lgan suhbat shunday xulosaga kelishga sabab bo‘lgan.
Karvaxal kiyinish xonasida yetakchi va hurmatga sazovor shaxs bo‘lib qolmoqda, biroq jarohatlar va barqaror o‘yin amaliyotining yo‘qligi uning Madriddagi kelajagini so‘roq ostida qoldirmoqda. Ta’kidlanishicha, eng yaxshi holatda unga atigi 1 mavsumlik shartnoma taklif qilinishi mumkin.
Futbolchi allaqachon faoliyatini davom ettirish uchun turli variantlarni, jumladan, qarindoshi Xoselu Mato to‘p surayotgan Qatar chempionatiga o‘tishni ko‘rib chiqmoqda. Karvaxalning amaldagi shartnomasi 2026 yilning iyunida nihoyasiga yetadi. U joriy mavsumda bor-yo‘g‘i 12 ta o‘yinda maydonga tushdi.
