"Страсбург" марказий ҳужумчиси Хоакин Паничелли "Атлетико"нинг асосий трансфер нишонига айланди. Бу ҳақда журналист Экрем Қонур хабар бермоқда.
Манбага кўра, француз клуби ўз форвардининг нархини 50 миллион еврога баҳоламоқда. Таъкидланишича, "матрасчилар" Паничеллининг трансфери устида иш олиб бормоқда.
Жорий мавсумда 23 ёшли аргентиналик футболчи барча мусобақаларни инобатга олган ҳолда 31та ўйин ўтказиб, 14та гол урди ва 4та ассистга муаллифлик қилди.
Паничеллининг "Страсбург" билан шартномаси 2030 йилгача мўлжалланган. Transfermarkt экспертлари ҳужумчининг нархини 25 миллион еврога баҳоламоқда.













