UFC'нинг ўрта вазн тоифаси (84 кг) чемпиони, 31 ёшли мағлубиятсиз жангчи Ҳамзат Чимаев юқори вазнга кўтарилади ва 11-апрель куни Маямида бўлиб ўтадиган UFC 327 турнирининг асосий жангида Иржи Прохазка билан тўқнаш келиши мумкин.
Қайд этилишича, жангда ярим оғир вазн тоифасидаги вакант (бўш турган) чемпионлик камари ўртага қўйилади. Эътиборлиси, ушбу хабарлар фонида Чимаев ўзининг Х саҳифасида “205” сонини ёзиб қолдирди. Бу унинг 205 фунтлик (ярим оғир вазн) тоифага ўтаётганига ишора бўлиши мумкин.
Шу билан бирга, ярим оғир вазн тоифасининг амалдаги чемпиони Алекс Перейра қачон ва қаерда жанг қилиши ҳозирча номаълум. Аввалроқ унинг оғир вазн тоифасида Жон Жонс билан "Оқ уй"да жанг қилиши мумкинлиги, шу сабабли “Поатан” ярим оғир вазн тоифаси камарини вакант қолдиргани ҳақида маълумотлар тарқалган эди.
